Театр «АРТ» Полоцкого госуниверситета представил зрителям премьерную постановку «Автобус» (+видео)

У поўным захапленні і эмацыянальнай ўзрушанасці актавую залу ўніверсітэта 19 красавіка пакідалі гледачы «Аўтобуса». Дваццаць пятая, юбілейная, прэм’ера спектакля студэнцкага тэатра «АРТ» па­-сапраўднаму «зачапіла» публіку.

teatr ART Avtobus (2)

teatr ART Avtobus (3)

teatr ART Avtobus (4)

У цэнтры сюжэта п’есы «Аўтобус» па аднайменным творы балгарскага драматурга Станіслава Страціева  нават не дзеянне, а чалавек. Змяніўшы маршрут, кіроўца аўтобуса па незразумелай для пасажыраў прычыне не спыняецца на прыпынках. Набліжаецца поўнач. У людзей узнікае страшнае адчуванне, што яны ніколі не даедуць да хаты. У крытычнай сітуацыі выяўляюцца сапраўдныя рысы характараў тых, хто выпадкова апынуўся ў салоне аўтобуса.

teatr ART Avtobus (1)

teatr ART Avtobus (5)

teatr ART Avtobus (6)

teatr ART Avtobus (7)

Спектакль пастаўлены ў жанры трагіфарса. Рэжысёр пастаноўкі Ганна Шэлепава майстэрскі закранае адвечныя тэмы прызначэння чалавека на зямлі, кахання, сяброўства, мастацтва, глыбіні ўзаемаадносін.

teatr ART Avtobus (8)

teatr ART Avtobus (9)

teatr ART Avtobus (10)

teatr ART Avtobus (11)

Пранізлівая пранікнёнасць пры амаль поўнай адсутнасці дэкарацый. Асабісты камплімент выдатнай гульні «артаўцаў», якія выкладваліся амаль да поту. Арганічна выглядае чалавек з народа са сваёй простай філасофіяй жыцця ў рабоце Антона Малахава. Моцнай акцёрскай гульнёй здзіўляе Уладзіслаў Марудаў. Кожны жэст героя Уладзіслава – трапкі, дасканалы.

Нельга не адзначыць экспрэсіўны маналог аб мастацтве Сяргея Шчарбакова, боль жанчыны «з глы­бокім уну­тра­ным светам» Алы Бе­ла­вуса­вай-Радзевіч, сціп­лага, але неверагодна камічнага персанажа Сяргея Гры­ба­едава. Мікіта Казлоў, Анге­лі­на Ліхадзееўская, Ула­дзіслаў Лаба­цэвіч – дэбютантаў рэжысёр наўмысна ставіць у адзін рад з «масцітымі» ак­цё­рамі. Вельмі натуральна выглядае работа Станіслава Шэдзь­ко. Юнак так арганічна ўжываецца ў ролю, што яго лёгка зблытаць з прататыпам героя.


Больше видео на нашем канале на YouTube. Подписывайтесь, это бесплатно!

teatr ART Avtobus (12)

teatr ART Avtobus (13)

teatr ART Avtobus (14)

teatr ART Avtobus (15)

«Я гэтую п’есу ведаю даўно. Яшчэ са студэнцтва. Гэта смешная, сур’ёзная і разам з тым глыбінная гісторыя. Асабіста мяне яна чапляе. Акцёрам матэрыял так­са­ма прый­шоўся даспадобы. Працавалі над ім амаль паўгода. Дзеянні п’есы замкнуты абмежаванай прасторай, кожны герой як на далоні. Каб добра адыграць, акцёру недастаткова проста вывучыць тэкст, важна злавіць драйв, унутраны стан спектакля», – у размове з карэспандэнтам «НС» адзначыла Ганна Шэлепава. У хуткім часе прэм’еру новага спектакля пабачаць і палачане.

Нэлі РАДЗЬКО

Фота Дзянiса Лешчыка

Добавить комментарий

Ваш e-mail не будет опубликован. Обязательные поля помечены *

Можно использовать следующие HTML-теги и атрибуты: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>

Прикрепите файл в формате JPEG