Новополочанка Софья Полякевич стала победителем I Международного конкурса юных пианистов в Даугавпилсе
Мастацтва перамагае любыя перашкоды. I першы Міжнародны конкурс юных піяністаў імя Оскара Строка (г. Даўгаўпілс, Латвія) яскрава пацвердзіў гэтае выказванне. З-за складанай эпідэміялагічнай сітуацыі творчае спаборніцтва прайшло дыстанцыйна – па відэазапісах, якія пачынаючыя музыканты даслалі з усіх куткоў свету.
Арганізатары – Даўгаўпілская сярэдняя школа №13 у супрацоўніцтве з даўгаўпілскімі ўніверсітэтам, упраўленнямі адукацыі і культуры – атрымалі больш за 140 заявак ад юных талентаў ва ўзросце ад 7 да 17 гадоў. Удзельнікі прадстаўлялі восем еўрапейскіх краін – Літву, Эстонію, Расію, Беларусь, Украіну, Польшчу, Фінляндыю. Мэтамі конкурсу стала заахвочванне развіцця творчых навыкаў падрастаючага пакалення, ушанаванне памяці вядомага латвійскага піяніста і кампазітара Оскара Строка.
Канкурсантаў ацэньвала міжнароднае журы пад кіраўніцтвам прафесара Даўгаўпілскага ўніверсітэта Эвалда Даўгавуліса. У якасці члена судзейскай калегіі на спаборніцтва была запрошана і наша знакамітая зямлячка – педагог дзіцячай школы мастацтваў №1 Маргарыта Мартас.
Маргарыта Мартас:
– Пачынаючыя музыканты спаборнічалі ў дзвюх катэгорыях: «піяністы-прафесіяналы», якія асвойваюць фартэпіяна як асноўны інструмент у дзіцячых музычных школах і каледжах, і «аматары», якія не вучацца ва ўстановах культуры або вывучаюць фартэпіяна ў якасці дадатковага прадмета. Як прызналі ўсе шэсць членаў журы, маладыя піяністы паказалі высокі ўзровень выканальніцкага майстэрства. Лепшыя атрымалі каштоўныя прызы. Асабіста для мяне гэта быў новы, але вельмі карысны вопыт.
Па правілах конкурсу суддзі не маглі ацэньваць сваіх навучэнцаў, але гэта не перашкодзіла наваполацкай школе мастацтваў аказацца ў лідарах.
Зорная вучаніца ДШМ №1 Соф’я Палякевіч стала лаўрэатам І ступені і абсалютным пераможцам у самай шматлікая па колькасці ўдзельнікаў групе «піяністаў-прафесіяналаў» (12-13 гадоў). Ацаніць ігру Соф’і можа любы жадаючы. Відэа з яе выступленнем выкладзена на афіцыйным YouTube-канале I Міжнароднага конкурсу юных піяністаў імя Оскара Строка.
Нелi Радзько