Виктор Малых дал грандиозный гала-концерт в честь своего 70-летия

Выбітны наваполацкі музыкант, педагог і дырыжор, ганаровы грамадзянін горада, член Беларускага саюза кампазітараў Віктар Малых даў вялікі гала-канцэрт да свайго 70-годдзя.

Віктар Леанідавіч – аўтар больш за 50 музычных палотнаў, сярод якіх «Еўфрасіння», «Элегія», гімн Полацкага дзяржуніверсітэта і многія іншыя. Яго мелодыі раскрываюць душу народа, ствараюць імідж Нафтаграда, уваходзяць у залаты фонд нацыянальнага мастацтва. Атрымаць асалоду ад багацця і разнастайнасці творчасці юбіляра гледачы маглі ў актавай зале Наваполацкага муз­каледжа – установе, якой педагог прысвяціў сваю прафесійную біяграфію.
Яркія, кантрастныя, па-майстэрску напісаныя кам­пазіцыі ў выкананні аркестра рускіх народных інструментаў выклікалі гарачы эмацыянальны водгук у слухачоў. Віртуозна прадэманстравалі жанравую палітру мастацкага генія Віктара Малых хор народ­най песні «Рэчанька», вака­лісты Кіра Рэйх, Юлія Малых, Яўген Ткачонак, акар­дэаніст Аляксандр Ша­буцкі, дуэт цымба­лістаў у складзе Марыі Яркавец і Вікторыі Баранавай.

Маэстра дырыжыра­ваў на працягу ўсёй праграмы і прымаў шматлікія віншаванні, у тым ліку відэапаштоўкі ад калег з Беларускай дзяржаўнай акадэміі музыкі і Беларус­кага саюза кампазітараў.

Юбілейны канцэрт прайшоў пры поўным аншлагу і стаў яркай культурнай па­дзеяй горада.

Нэлі Радзько

Фота аўтара