Ансамбль ударных инструментов «Ритм» из ДШИ №3 г. Новополоцка стал лауретом Международного конкурса «Маленькие звездочки-2021″, прошедшего в Москве
Навучэнцы дзіцячай школы мастацтваў №3 годна прадставілі Наваполацк на ІІ Міжнародным шматжанравым конкурсе «Маленькія зорачкі – 2021» (г.Масква, Расія).
Ансамбль ударных інструментаў «Рытм» пад кіраўніцтвам педагога Вольгі Попел стаў лаўрэатам ІІ ступені ў намінацыі «Інструментальнае выканальніцтва. Ансамбль. 13-15 гадоў». Нягледзячы на перыядычную змену састава, калектыў паспяхова існуе ўжо каля 20 гадоў. Толькі за 2020 г. «Рытм» заваяваў шэсць дыпломаў міжнароднага ўзроўню. Зараз у яго складзе 7 навучэнцаў. Яны іграюць на ксілафоне, малым барабане, тарэлцы, званочках.
«На конкурс мы запісалі і адправілі выступленне пяцікласнікаў, выдатнікаў вучобы Веранікі і Цімура Бабашынскіх. Яны выканалі даволі складаны для юнакоў твор рускага кампазітара Пятра Чайкоўскага – балет-казку «Лебядзінае возера. Танец з кубкамі». Вынікамі вельмі задаволеныя», – у размове з карэспандэнтам «НС» сказала Вольга Попел. Дарэчы, саму Вольгу Ігараўну адзначылі лістом падзякі за падрыхтоўку прызёраў конкурсу.
Нэллі РАДЗЬКО