Государственной наградой отмечен преподаватель Новополоцкого музыкального колледжа Михаил Ивашкин

Наваполацк – культурная сталіца Беларусі 2018 года. Гэты ганаровы статус – перш за ўсё заслуга таленавітых майстроў творчай галіны, якія ўсё жыццё аддана і беззаганна працуюць на ніве мастацтва. Выдатная навіна ў першыя дні верасня прыйшла ў Наваполацкі музычны каледж.

Дзяржаўнай узнагародай Рэспублікі Беларусь – медалём «За працоўныя заслугі» – адзначаны выкладчык па класу баяна музкаледжа Міхаіл Івашкін.

Пра такіх, як Міхаіл Іванавіч, гавораць: «Талент ад Бога». На аддзяленне народных інструментаў Віцебскага музычнага вучылішча (зараз Віцебскі музычны каледж імя І.І.Салярцінскага) ён паступіў, умеючы граць толькі на мандаліне, якую, дарэчы, асвоіў самастойна. А ўсяго за некалькі год стаў лепшым навучэнцам і адзіны з курса баяністаў-акардэаністаў паступіў у Беларускую дзяржаўную кансерваторыю (зараз – Беларуская дзяржаўная акадэмія музыкі).

Сёння Міхаіл Іванавіч – знакаміты музыкант, прызнаны віртуоз, педагог з аўтарскай методыкай навучання і безліччу зорных навучэнцаў. Сярод яго выпускнікоў выкладчыкі Беларускай дзяржаўнай акадэміі музыкі, лаўрэаты прэстыжных міжнародных конкурсаў, адзіны ад Беларусі пераможца чэмпіянату свету сярод акардэаністаў Уладзіслаў Плігаўка. Прафесійнае майстэрства і значныя дасягненні Міхаіла Івашкіна не аднойчы былі адзначаны Міністэрствам адукацыі і Міністэрствам культуры Рэспублікі Беларусь.

Нэлі РАДЗЬКО

фота Дзяніса Лешчыка