Ученики Детской школы искусств №3 г.Новополоцка победили на российских конкурсах международного уровня

Навучэнцы дзіцячай школы мастацтваў №3 значна папоўнілі скарбонку ўзнагарод на расійскіх творчых спаборніцтвах міжнароднага ўзроўню.

На конкурсе «Шэдэўры міравой класікі» (г. Масква) выдатна выступілі ансамбль ударных інструментаў пад кіраўніцтвам Вольгі Попел і піяністка Аляксандра Калакольнікава (настаў­нік Вольга Калбачова). Вынікам сталі дыпломы лаў­рэатаў ІІ ступені.

Аляксандра Калакольнікава

Багаты ўраджай лаўрэат­скіх тытулаў сабрала і навучэнка Таццяны Мармулёвай сямі­гадовая Ева Шэршнева.

Ева Шэршнева

Пачынаючая зорачка інстру­ментальнай музыкі стала другой на конкурсе музычна-мастацкай творчасці «Карэль­скія казкі» (г. Петра­заводск, Рэспубліка Карэ­лія), конкурсе-фестывалі мас­тацтваў «Art Start Awards» (г. Мас­ква) і пер­шай – на ХІІ конкурсе мастацтва ігры на фартэпіяна «Супер акорд» (г. Санкт-Пецярбург). Новапалачанка пранікнёна выканала «Песню без словаў» нямецкага кампазітара Франца Шпіндлера, чым пакарыла прадстаўнічае журы.

Ева добра паказала сябе і на І Адкрытым раённым конкурсе мастацтваў «Зімовыя мары», які на пачатку бягучага года прайшоў у Оршы. Вучаніца Таццяны Мармулёвай стала дыпламанткай ІІ ступені.

Мілана Ашэйка

Яе сябры па камандзе дасягнулі на гэтым спаборніцтве яшчэ больш высокіх вынікаў. Дванаццацігадовая мастач­ка Мілана Ашэйка (педагог Людміла Васілёнак) стала лаўрэаткай першай ступені ў намінацыі «Выяўленчае і дэкаратыўна-прыкладное мастацтва», а піяністка Дар’я Власюк у творчым тандэме са сваім настаўнікам Лідзіяй Власюк – другой ступені.

Нэлi РАДЗЬКО