Творческие коллективы Дворца детей и молодежи г.Новополоцка выступили с отчетным концертом. ФОТОРЕПОРТАЖ

Творчыя калектывы Палаца дзяцей і моладзі парадавалі гараджан вялікім выніковым канцэртам. Свае рознабаковыя таленты на сцэне ўстановы прадэманстравалі каля 200 юных артыстаў. 

Адкрывалі праграму самыя маленькія навучэнцы аб’яд­нанняў па інта­рэсах палаца. Вясёлкай інструментальнага мастацтва вусны гледачоў расквецілі пачынаючыя музыканты. Лірычнага настрою дадаў патрыятычны блок, прысвечаны 80-годдзю вызвалення Беларусі ад нямецка-фашысцкіх захопнікаў. Яркасцю нумароў парадавалі выступленні дзяцей пад агульнай назвай «Танцуем, спяваем, ствараем», а завяршыла творчы марафон сумеснае выкананне знакамітай песні «Мільён га­ласоў».

Імпэт мера­пры­емству задавалі вядучыя – удзельнікі тэатра мініяцюр «Усмешка». Не абышлося і без прыемных сюрпрызаў – тры выпуск­ніка ПДМ Арцём Саветнікаў, Аляксандра Васілевіч і Міліана Мацкевіч атрымалі лісты падзякі за шматгадовую дзейнасць на культурным небасхіле Наваполацка.

Як адзначыла загадчык аддзела музычна-харэаграфічнай творчасці ПДМ Святлана Арцёменка, традыцыя узнагароджваць навучэнцаў, якія больш за 10 гадоў наведваюць калектывы ўстановы, мае глыбокія карані: «Нашыя зорачкі ўпрыгожваюць шматлікія гарадскія мерапрыемствы. Да выніковага канцэрта аб’яднанні плённа гатаваліся напрацягу некалькіх месяцаў, таму сённяшні канцэрт стаў амаль цалкам прэм’ерным. Гэтыя нумары абавязкова ўвойдуць у рэпертуар палаца ў новым сезоне».

Нэлі Радзько

Фотарэпартаж Віктара Арлова