Образцовый театр моды «Топ-Топ» Центра культуры завоевал диплом лауреата ІІ степени областного фестиваля льна «Поле кветак»

Узорны тэатр моды «Топ-Топ» Цэнтра культуры заваяваў дыплом лаўрэата ІІ ступені абласнога фестывалю льну «Поле кветак» (г. Орша).

Сёлетні фэст стаў рэкорд­ным па колькасці гасцей. Больш за 30 тысяч наведвальнікаў на працягу двух дзён радавала насычаная праграма: арт-пляцоўкі, майстар-класы, дэфіле, выс­тавы народнай творчасці і, безумоўна, шмат добрай музыкі. На «Поле кветак» заві­талі зоркі соцсетак і папулярныя спевакі. Культурная па­дзея аб’яднала традыцыі і сучаснасць, чым зноў даказала, што лён – не проста расліна, а частка беларус­кай культуры.

Новапалачане выступілі ў фэшн-паказе з калекцыяй «Клашар дэ люкс». На яе стварэнне «Топ-Топ» натхнілі французскія матывы. Як расказала кіраўнік калектыву Вікторыя Патульская, касцюмы пашыты ў тэхніцы «пэчворк» з выкарыстаннем разнастайных па фактуры матэрыялаў (у тым ліку льну). Сукенкі і жакеты арганічна дапоўнілі варыятыўныя капелюшы. Арыгінальныя знаходкі камплектаў адзення аздобіла яркае дэфіле. Удзел у паказе прынялі 15 юных модніц. Аршанскі ваяж стаў своеасаблівай рэпетыцыяй перад выступленнем на Міжнародным фестывалі мастацтваў «Славянскі базар», які хутка адбудзецца ў паўночнай сталіцы нашай краіны – горадзе Віцебску.

Нэлі Радьзко