Вокальный ансамбль «Мара» Центра культуры г.Новополоцка завоевал Гран-при ХХХІІ областного конкурса «Песни юности наших отцов»

Вакальны ансамбль «Мара» Цэнтра культуры горада Наваполацка заваяваў Гран-пры ХХХІІ абласнога конкурса «Песні юнацтва нашых бацькоў».

На творчае спаборніцтва ў Оршу прыехалі 19 прадстаўнікоў з 10 раёнаў Віцебшчыны ва ўзросце ад 16 да 35 гадоў. Напярэдадні яны прайшлі складаны двухэтапны адбор і ў фінале прадставілі на суд гледачоў па адной песні. Выступалі канкурсанты як сольна, так і ў складзе творчых калектываў.

На працягу дзвюх гадзін на сцэне Палаца культуры «Орша» гучалі песні мінулых гадоў пра Радзіму, вайну і мір, жыццё і каханне, якія так любілі нашы бабулі, дзядулі, бацькі. Таксама выконваліся сучасныя кампазіцыі, прысвечаныя Году беларускай жанчыны. Адзнакі ставіліся па 10-бальнай сістэме шляхам закрытага галасавання. Старшынёйжуры стаў намеснік начальніка ўпраў­лення культуры Віцебскага аблвыканкама Алег Агееў.

Наваполацк на «Песнях юнацтва нашых бацькоў» выдатна прадставілі чатыры канкурсанты.Салістка вакальна-харавой студыі Inventa Полацкага дзяржунівер­сітэта імя Еўфрасінні Полацкай Ангеліна Мурашкевіч стала лаў­рэатам І ступені, а Уладзіслаў Жудранок з вакальнай студыі «Пой смела» Цэнтра культуры – ІІ. Выхаванка шоу-групы МІХ ЦК Ульяна Дземідовіч была адзначана дыпломам удзельніка.

Найбольшага поспеху дасяг­нуў вакальны ансамбль «Мара» пад кіраўніцтвам Марыі Бутэнка. «Дзявочы джаз» Канстанціна Губіна ў та­ленавітым выкананні нашых харызматычных артыстак пакарыў журы і глядацкую аўдыторыю. Выні­кам стала галоў­ная ўзнагарода спабор­ніцтва і каштоўны прыз.

Нэлі Радзько