Новолопочане отлично выступили на республиканском фестивале-конкурсе патриотической песни «Сердцем причастны» (г. Орша)

Новапалачане выдатна выступілі на рэспубліканскім фестывалі-конкурсе патрыятычнай песні «Сердцем причастны» (г. Орша).

Удзел у мерапрыемстве ўзялі больш за 150 выканаўцаў з розных куткоў Беларусі. Старшынёй журы выступіў першы намеснік міністра культуры Рэспублікі Беларусь Валерый Грамада.

Зорнай для новапалачан стала намінацыя «Вакал. Сола» (аматарскае мастацтва). Саліст народнай вакальнай групы «Вясна» Цэнтра культуры Юрый Літвінчук заваяваў другое месца, а вучаніца СШ №1 Паліна Віцебская – трэцяе. Трошкі да п’едэстала пашаны не хапіла яшчэ адной прадстаўніцы цэнтра – Крысціне Дорахавай.

Паліна Віцебская

Удзельніцу народнай шоу-групы «МІХ» (кір. Марыя Се­ганкевіч) журы заахвоціла дыпломам удзельніка ў на­мінацыі «Эстрадны вакал. Сола» (прафесійнае мас­тацтва).

Высокі клас выка­нальніцкага майстэрства ў Оршы пацвердзіў тэатр песні «Субацея» Цэнтра культуры. Самабытны калектыў пад кіраўніцтвам харызматычнай Кацярыны Фядотавай зава­яваў дып­лом лаўрэата ІІ ступені. У намінацыі «Вакальныя ансамблі» (прафесійнае мастацтва) канкурэнцыю нашай «Субацеі» саставілі некалькі дзя­сяткаў лепшых калектываў краіны.

Тэатр песні «Субацея»

Нэлi РАДЗЬКО