Как в Новополоцке школьники и их родители из гимназии №1 встречали Масленицу

Больш за тысячу бліноў, вясёлыя гульні і народныя спевы. У мінулую суботу на тэрыторыі філіяла гімназіі №1 развярнулася свята народнага календара – Масленіца. Яе ўдзельнікамі сталі наваполацкія школьнікі, іх бацькі і жыхары мікрараёна.

Сустракалі вясну па тра­дыцыі шырока. Гас­цей запрашалі паўдзель­нічаць у конкурсах на спрыт, моцу і быстрыню, частавалі духмянай гарбатай ды са­лодкімі ласункамі. А колькі блінцоў там было на любы густ і смак!

Вясёлую атмасферу стваралі каларытныя фотазоны ў вясковым стылі, тэматычныя пляцоўкі. Дзеці і дарослыя маглі зрабіць не толькі выдатныя сэлфі, але і вырабіць ляльку-абярэг, арыгінальны галаўны ўбор у выглядзе сонейка і нават адчуць сябе сапраўднымі паварамі. Спартыўныя спа­борніцтвы за званне лепшага, падарункі за перамогу толькі падбадзёрвалі гасцей. Яны ахвотна прымалі ўдзел у конкурсах і віктарынах.

Святочны настрой зада­валі ансамбль песні і музыкі «Сузор’е» СШ №1, фальк­лорны гурт «Ажыначкі» Палаца дзяцей і моладзі, танцавальны калектыў «Імпульс» гімназіі №1.

Мерапрыемства прай­шло ў рамках праекта «Татава субота» пры падтрымцы май­стэрні «Бацькі і дзеці». Арганізатарамі і вядучымі высту­пілі педагогі гімназіі і савет лідэраў навучэнцаў.

Нэлі РАДЗЬКО