Онлайн-конкурс «Дзеці чытаюць Купалу і Коласа» организовали специалисты детской библиотеки им. А.С. Пушкина

Юбілеі вядомых беларускіх пісьменнікаў Янкі Купалы і Якуба Коласа натхнілі спецыялістаў дзіцячай бібліятэкі імя А.С.Пушкіна на правядзенне новага анлайн-марафона «Дзеці чытаюць Купалу і Коласа». 

Прыняць удзел вельмі проста – трэба зняць відэа з дэкламацыяй твораў знакамітых аўтараў і даслаць на элект­ронны адрас lib4pushkin@yandex.by. Ролікі прымаюцца з ліпеня па кастрычнік. Лепшых чакаюць прызы.

Дарэчы, выдатным месцам для стварэння відэасюжэтаў можа стаць цэнт­ральная бібліятэка імя У. Маякоўскага, дзе нядаўна пачала сваю працу выстава-экспазіцыя «Беларускай песні ўладар», прысвечаная 140-годдзю з дня нараджэння Я.Купалы. На выставе прадстаўлена багатая калекцыя кніг з фонду ўстановы на беларускай і рускай мовах, энцыклапедыі, аўдыёвізуальныя дакументы на электронных носьбітах, рэпрынтныя і факсімільныя выданні народнага паэта Беларусі.

Нэлі Радзько