В гимназии №1 г.Новополоцка открылась выставка талантливой юной художницы Анны Попаловой

Бібліятэку гімназіі №1 расквецілі карціны юнай новаполачанкі Ганны Папалавай.

Персанальная выстава навучэнкі 5-га класа Дзіцячай мастацкай школы імя І.  Ф.  Хруцкага ўключае 11 работ і мае паэ­тычную назву «Гармонія душы». Аў­тар піша гуашшу, акварэллю, пас­тэллю, захапляецца дэкаратыўна-прыкладной творчасцю, імкнецца засвоіць розныя тэхнікі выяў­ленчага мастацтва і фарміруе сваю манеру малявання. Настаўніца Юлія Коўш характарызуе сваю вучаніцу, як уважлівую, таленавітую і крэатыўную. «Ганна засяроджана аналізуе канструкцыі формаў і светацен­няў. Смела шукае каляровыя рашэнні, дамагаецца цэльнасці каларыта і выразнай эмацыналь­насці ў сваіх працах. Імкнецца даве­дацца як мага больш пра свет мастацтва», – гаворыць Юлія Аляксандраўна.

Лепшыя работы Ганны не раз экспанаваліся ў выставачнай зале ДМШ, а па выніках школьнага пленэру навучэнка была ўшанавана дыпломамі «Майстар пейзажу» і «Майстар пленэру». Сярод яе апошніх дасягненняў: перамога на III Рэ­гіянальным дыстан­цыйным конкурсе «Мастацтва дзецям!» у Магілёве, дыпло­мы ІІ ступені на XIII Рэспубліканскім мастац­кім конкурсе імя М.  А.  Савіцкага (г. Мінск) і Міжнародным фесты­валі-конкурсе «Арт-Пана­рама Расія-Беларусь» (г. Масква).

Нелі Радзько