75-летию художника посвящается! В музее истории и культуры открылась выставка Владимира Шаппо

У музеі гісторыі і культуры пачала працаваць выстава беларускага жывапісца, скульптара, графіка, члена Беларускага саюза мастакоў Уладзіміра Шаппо «Паазер’е: персанажы, лёсы, краявіды».

Экспазіцыя прысвечана таямні­чаму, загадкаваму свету Віцебскага краю. У серыі графічных работ знакаміты ўраджэнец вёскі Відзы адлюстроўвае асаб­лівасці архітэктурнага выгляду Пастаўшчыны і Брас­лаўшчыны, майстэрскі перадае нябачную прыроду вераванняў нашых продкаў. Карціны пяром з Нацыянальнага Полацкага гісторыка-культурнага музея-запа­ведніка дапаўняюць жы­вапіс­ныя партрэты з фонда наваполацкага музея.

– Уладзімір Шаппо – знакавая фігура для нашага рэгіёна. Ён і яго сям’я зрабілі вялікі ўнёсак у знешні выгляд Полацка і Наваполацка. Напрыклад, сам Уладзімір быў аўтарам канцэпцыі Полацкага прыродна-экалагічнага музея, мемарыяльнага комплекса «Зорка» ў мікрараёне Баравуха. Яго сын Аляксандр зрабіў наваполацкую скульптуру «Ву­лічны музыкант» каля Палаца культуры ААТ «Нафтан», а дачка Ксенія – помнік «Жураўлі» на праспекце Льва Наважылава. У юбілейную дату мы хацелі ў чарговы раз паказаць неабсяжны талент Уладзіміра Дзмітрыевіча, падкрэсліць важнасць творчасці выбітнага мастака для нашага горада, – у размове з карэспандэнтам «НС» адзначыў навуковы супрацоўнік музея Валерый Леднік.

Пабачыць выставу можна да 29 лютага.

Нэлі Радзько
фота аўтара