Театр моды «Ника» Новополоцкого дворца детей и молодежи завоевал награды на республиканских конкурсах «RoskvitBY» и «Творчество без границ»

Адразу дзве перамогі на свой рахунак запісаў тэатр моды «Ніка» Палаца дзяцей і моладзі г. Наваполацка.

Напрыканцы каст­рычніка калектыў прыняў удзел у рэспубліканскім конкурсе-фестывалі творчасці «RoskvitBY» (г. Магілёў), які накіраваны на падтрымку юных талентаў і дае магчымасць канкурсантам праявіць сябе ў пяці намінацыях: вакальнай, харэаграфічнай, тэатральнай, інструмен­тальнай і выяў­ленчай творчасці.

Выступленне выха­ванак «Нікі» прыйшлося даспадобы членам журы. У намінацыі «Тэатр моды» калектыў быў адзначаны дыпломам лаўрэата І ступені за калекцыю з нацыянальным каларытам «Куточак Беларусі» і ІІ ступені – за вытанчаную «Містэрыю». Кіраўнікі калектыву Алеся і Анас­тасія Зелютковы атрымалі лісты падзякі за асабісты ўклад у культурнае, маральнае і эстэтычнае выхаванне падрастаючага пакалення. У межах мерапрыемства юныя новапалачанкі наведалі этнаграфічную беларускую вёску і заасад у Магілёве.

Паездка натхніла дзяўчат на новыя перамогі, якія не прымусілі сябе доўга чакаць. Напачатку тыдня сталі вядомы вынікі VІІ Адкрытага міжнароднага фестывалю-конкурсу «Творчасць без межаў» (г. Мінск).

Фестываль прахо­дзіў з ліпеня па лістапад у тры этапы. Каб трапіць у фінал, трэба было прайсці гарадскі і абласны туры. Наваполацк на ім прадставілі тры калектывы.

Тэатр моды «Ніка» з калекцыяй «Куточак Бе­ларусі» стаў дыпламантам ІІІ ступені. Узнагароду такога ж узроўню заваявала студыя танца «Жура­вінка» СШ №14 пад кіраўніцтвам педагога Алены Новікавай.

Выдатнага выніку юныя танцоры дамагліся ў намінацыі «Харэаграфія (народна-сцэнічны танец), узроставая катэгорыя 6-9 гадоў». Аляксандра Паўлоўская з тэатра песні «Бэбі-шоу» ПДМ стала дыпламанткай ІІ ступені (на­мі­нацыя «Вакальны жанр. Народныя спевы»). Дарэчы, выхаванка Іраіды Аляксеевай выступіла ў фінале конкурсу дыстанцыйна. Прызёраў заахвоцілі памятнымі сувенірамі.

Нэлі РАДЗЬКО